Omilie bann nam ek bann mo, ki finn disparet,
ek bann lalanp ki finn tengn depi telman lontan.
Parmi bann leker san lavi ki vid nou latet
Dekadans brile avek enn dife fre andan letan.
Ena tigit kitsoz ki kapav fer mwa per. Aster
Mo get lemond e mo tom dan enn labim profon.
Ek lizie ferme par pares, san kone ki pou fer
Mo pou mor bliye, san ena enn sirnom, enn nom...
...Omilie bann nam ek bann mo, ki finn disparet,
ek bann lalanp ki finn tengn depi telman lontan.
O, Bondie toupwisan! o, lemond! o, pret!
Kouma pou evit kriye? Kouma pou evit etoufman?